انا بندم
بندم على كل لحظه عشتها معاك
بندم على العمر اللى عدى وياك
بندم على كل ايامى وسنينى
بندم على شوقى ليك وحنينى
بندم على سنين الهوى
والذكرى اللى عشناها سوا
بندم على احساسى بيك
وبندم اكتر على حبى ليك
كان كل املك انى احس بيك وبعد ماحسيتك
فى لحظه بعت بكل مافيك ياريتنى ماحبيتك
الخيانه دى على ايدك عرفتها
ولا عمرى فيك يوم اتخيلتها
خدعتنى باسم الحب
خدعتنى وكل ده كدب
خدعتنى وليه انا صدقتك
ولا ده طبع قلبك
يجرح يعذب يخون
استغليت طيبتى وحبى ليك
بعتنى وجرحت فيا
ولا عمرى يوم صعبت عليك
وداويت جرحك ليا
صدقتك بكل مافيا
وانت كنت بتلعب بيا
ليه كده حرام عليك
كنت بتمثل مسرحيه
كنت فيها انت البطل
ودورى فيها كان الضحيه
لو هشكى لقلبك انا هقوله
ليه جرحنى الجرح ده كله
ياترى انا استاهل منه كده
ولا ده كان كل همه
انه يجرحنى وخلاص
وانه يقتل قلبى فيا
ويبكيلى دموع عنيا
ليه كده حرام عليك
انا بجد بندم عليك
بندم عليك
