تعالو اتفرجو يابنات الشباب بينصحو بعض بايه هههههههههههههه

السلام عليكم ورحمه الله وبركاته
----------------------------------------------------------
انا قريت الموضوع ده بس عجبنى مووووووووووت
وفطست على روحى من الضحك بجد
هههههههههههههههههههههههههههه
واحد من الشباب بينصح الاولاد لو حد فيهم
حب او داخل على ارتباط جواز
يلا اقرو وقولى ريكم ايه
ياما تحت السواهى دواهى
ههههههههههههههههههههههه



أول خطوات الزواج هى أن تعثر على زوجة مناسبة لك, و لن أدخل فى تفاصيل الإختيار فهى مختلفة من شخص إلى آخر و من تعجبك و تحبها قد لا تعجب آخرين و لا يطيقونها, المشكلة هنا فى كيفية التعرف على شخصية حبيبتك أو زوجة المستقبل كما هو مفروض. فهناك طرق للتعرف,ء
أولها:
أن تظل تراقبها و تتبعها و تتخبأ لها حتى ترى منها ما يجعلك تتزوجها, و ذلك بدون أن تشعرها بذلك أو حتى أن تفصح عنه, ف الكلام فى الموضوع ده عيب و حرام و كده كخه و أئه يا وحش.إياك إياك تروح و تقولها, لا تودى نفسك فى داهية و تعملك فيها خضرة الشريفة و تقولك (لأ, لأ, فى الحلال يا معلم) و كلم ماما و الكلام ده, أو هاتصوت و تلم عليك الناس فى الشارع و تعيط و تقول ( ده كان عايز ...... ) إيهئ إيهئ. و تبقى رحت فى الكازوزة.ء
محاسن تلك الطريقة أنه فى حالة عدم الرغبة فى إستكمال الشكل التقليدى فى العلاقة من خطوبة و زواج أيا كان السبب, فإنه من السهل عليك أن تنسحب و لن يعرف أى شخص عن الموضوع أى شئ.ء
مساوئ الطريقة: أنه من الممكن أن يتقدم شخص آخر و يخطف البنت منك و هاتقعد ساعتها تغنى ظلموه, أو من الممكن إن البنت تكون خدت بالها منك و لما إتأخرت قالت مفيش منك رجاء و إنك سلبى و مش بتاع مواقف.و من مساوئ تلك الطريقة أيضا أنك لن تتعرف على أى شخص من أهلها أو من البيت و لذلك سيكون حكمك على نجاح العلاقة ناقصا نقصا كبيرا - إذا أردت رأى أى شخص عاقل -.
---------------------
ثانى طريقة:
أن تتقدم لها رسميا و تتوج تعارفكما السطحى أو زمالتكما بالخطبة حتى يتسنى لك الحكم على شخصيتها و الحكم فى نفس الوقت على أهلها.
محاسن الطريقة:
تسمح لك بالتعرف على كل ما يجب عليك أن تعرفه, و تمكنك إذا كنت (مصحصح و مركز كويس), بأن تحكم عليها و على أهلها و تستطيع هى أن تحكم عليك و على أهلك.
مساوئ الطريقة:
1. أنك ستكلف نفسك أو أهلك - فى الغالب -, مقدار**** دبلتين و محبس و أى إضافات أخرى, و هذا بالإضافة إلى تكلفة الحفل (إن وجد).ء
2. ستحمل نفسك تعب المجاملات فى المناسبات و الأعياد, و كل سنة و كل المخطوبين بصحة و معاهم فلوس.
3. سيصبح الكريدت الخاص ب موبايلك فى مهب الريح, فأنت مطالب فى بعض الحالات بأن تتصل بيها أول ما تصحى و أول ما تنزل من البيت و أول ما تروح الشغل و أول ما تيجى تنام نامت عليك حيطة و هذا بالإضافة إلى التليفون الأرضى و الميسدات على الفاضية و المليانة و رسائل الحب و الغرام. (و إبقى قابلنى لو هى قدرت اللى إنت بتعمله برضه) و إلا إذا توقع الجملة الآتية(إنت ما بتحبنيش يا سكومونوس ولا إيه؟!).ء
4. أنك إذا إكتشفت شيئا في علاقتكما أو علاقتك بأهلها لا يسمح لك بإستمرار العلاقة, سيكون من الصعب إنهاء هذا النوع من العلاقات, و سيكون لديك خيار من الإثنين:
a) أن تكونوا عائلتين محترمتين و يتم الإنفصال بهدوء و مفيش نصيب و خلاص, و تسترد دبلتك و محبسك و تستعوض ربنا, و هذا حقك الشرعى و القانونى, و تظل العلاقة علاقة قائمة أساسها الزمالة و لا تزيد على ذلك (إذا كنتوا فى مهنة واحدة بالطبع).ء
b) أن تكون عائلتها من النوع اللى بالى بالك, و يتم مصادرة الدبل و ما إلى ذلك و (أعلى ما فى خيلك أركبه ) و التعلل بأنك من فسخت الخطبة , و هنا تبقى سرقة علنى و سأترك لك حرية إتخاذ القرار بأن تجرى وراهم فى المحاكم و البوليس, أو تستعوض ربنا فى كل ما إشتريت و تقول ( اللى يجى فى الريش بقشيش ) و تعتبر نفسك عملت حادثة عربية و صلحتها بيهم. و إذا كانت عائلتها من نوع اللى بالى بالك, فلك أن تتوقع أيضا كم الكذب و التدليس و الإتهامات الباطلة التى سيسوقونها كى يبرروا فشل الخطبة فى وسط المعارف و الجيران.

5. التار و لا العار يا صميدة, إنت خلاص, بقيت فاسخ و كل حبايبنا هايبطلوا يكلموك و كأنك عندك إيدز.(طبعا مش محتاج أقول إنك تبقى فاسخ فى نظر بعض الناس الفاضية أحسن من إنك تتجوز واحدة تطلع عليك القديم و الجديد بقية عمرك, لأن مفيش حد من الناس دول هاينفعك ساعتها. و بعدين, الناس اللى بتعايرك و كأنك عملت كبيرة من الكباير هتلاقيهم من الناس المشجعة للطرق الشرعية فى الإرتباط و لكنهم - كالعادة - يكيلون بميكيالين و ساعات ثلاثة -لو طلبت -, فهم من أنصار الإرتباط و لكنهم فى نفس الوقت لن يعطونك الحق فى أن تفشل فيه أو أن تفسخ الخطبة بعدما أتممتها
)عريس يا بوى)
أومال يابنى , هو إحنا بنلعب؟!.
-------------------------------
ثالث طريقة:
صحصح معايا يابا هنا شوية و النبى, الطريقة دى صعبة لكنها محتاجة منك حرفنة و محتاجة كمان بنت سبور و متفاهمة شوية. الطريقة هى أن تتصاحبوا على بعض و تتصرمحوا سوا بعيدا عن ضغط الأهالى و الكلام الخنيق بتاع:
• أنا بابا محرج عليا أتأخر برة عن الساعة 7 بالليل,
• تيجى تاخودنى من قدام البيت و ترجعنى تانى,
• …………………………………..
و ما إلى ذلك من اللستة المحفوظة
يعنى أنا مثلا شوفت ناس من أصحابى, كانوا بيشوفوا بعض و بيتكلموا مع بعض أكتر قبل ما يتخطبوا و تتدخل الأهالى و يعملوا فيها بورم. و هذا الكلام أدى إلى فشل بعض تلك العلاقات بعد الخطوبة.
المحاسن:
1. إنك هاتعيش عمرك (محلاها عيشة الحرية), و هاتتعرف عليها كويس (أحسن من الطريقة الأولى).ء
2. مفيش إلتزامات و لا إرتباطات, يعنى بالبلدى (السلام عليكم, و عليكم السلام).ء
3. محدش هايفتكرلك إنك كنت مصاحب قبل كده, (إلا من أصدقائك المقربين) و دول مافيش منهم ضرر (على حد علمى).ء
4. كل واحد بيبقى عارف هو فلوسه هاتقضى إيه و التعامل أمريكانى, هو بس هدية عيد الحب و عيد ميلادها و كان الله بالسر عليم.ء

المساوئ:
1. أن الموضوع ده فى جزئية تدخل فى نطاق الحلال و الحرام, و لسنا هنا بصدد مناقشة هذا لأننا, أولا لسنا مؤهلين و ثانيا مفيش مساحة.ء
2. لو كنت تحب إن أختك أو بنت خالتك تعمل كده إبقى إعمل الطريقة دى,ء
3. نفس مشكلة عدم التعرف على الأهل و الحكم فى هذه الحالة بيبقى ناقص كتير (زى ما قولنا قبل كده).ء
4. البت ممكن تقلبك و تروح لواحد تانى أروش منك و هداياه أحلى (فاهمنى ؛)), يعنى مفيش قيود لا ليها ولا ليك.ء
----------------------------
آخرها:
هو جواز الصالونات و المعارف و ده عامل زى البطيخة يا تتطلع قرعا يا تطلع **** و مالهوش إعتبارات أو قواعد محددة.
------------------------------
واخد بالك يا حبيبى,
الموضوع أصعب و أعقد بكتير من معرفة سطحية و لا حتى معرفة جامعة.
خللى بالك و إختار الطريقة الصح, عشان ماتقعدش تعيطلى بعد كده
سلام.


بعد كده هانتكلم فى الخطوبة,
و بعد كده هانتكلم فى الزواج,
و بعد كده خلص الكلام كله

و خللى بالك من حتة الجواز دى فيها حاجات كتير و قايمة و نايمة و كلام من ده




ههههههههههههههههههههههههههههه
هههههههههههههههههههههههههههههههه